قصة حب وقصيدة هزلية

بدي حبك غصبن عنك 000
يخرب زوئك شو مشتقلك 000
مبارح كنا ولاد صغار 000
في الحارة نلعب طميمة 000
قديش كنت عليك غار 000
خانق خيي وزعلها للميمة 000
كنا نحلم لما نصير كبار 000
يكبر حبنا تيوصل حد الغيمة 000
وقطفتلك وردة حمرة من ورود الدار 000
ولما اشتد الشوب بقميصي سويتلك خيمة 000
حكينا كتير عن الحب لما كنا صغار 000
وحلمنا بفية الياسمينة فوق البرسيمة 000
بتذكري وقت اللي بوستك 00 خدك كيف صار 000
متل الجمر الأحمر وصرتي تنادي يا ميمة 000
كبرنا شوي وكبر الحب زرار زرار 000
وصرنا سيرة أهل الحي بأيام الشتوية 000
وليكي جارتنا أم رضوان 000
لما عزمتنا عالقهوة عند الصبحية 000
قمنا نروح وشدت فينا من القمصان 000
يومتها غمزتك تنقعد شوية 000
وقعدت تقرا قصتنا من الفنجان 000
وتحكي عن أيامنا الجاية 000
فرحنا كتير بحكياتها عن الأزمان 000
وصرت أتطلع بعيونك العسلية 000
وهلئ أتغيرت ما بعرف شو اللي صار 000
صرتي بعيدة عني ولغيري مراية 000