الحب أم المال ..... أيهما تختار ؟

اليوم جايبتلكن الموضوع من برنامج كنت عم اسمعه على الراديو ....... فحبيت شوف أرائكم بالموضوع ......
يمكن هيي قصة من بين مئات القصص المشابهة اللي عم تصير كل يوم .........
شب وصبية ..... كانوا يحبو بعض كتير وبقيوا سنين ... سوا عالحلوة والمرة ... ومتفقين ومخططين لحتى يجي الشب يخطبها ... وللمستقبل ..... بفترةمن فترة علاقتهم .... حسها اتغيرت .... صار لما يدقلها عالتلفون ...... دايما يطلعلو مشغول ... ولما بترد .... بيقلها بدي شوفك اليوم .... بتقولو ماني فاضية .... طيب بكره ... لاء رايحة مع رفقاتي ......
احتارالشب بأمره ....شو اللي غيرها .... من شو زعلانة .... كيف بدو يراضيها .......
بعد كم يوم كان عيد ميلادها ... فقرر انو يروح لعندها ويعايدها ..... واكيد رح يحكوا ويعرف السبب .....
راح الشب يوم عيد ميلادها ..... وماسك بايدو وردة ورايح .... بدو يشوف حبيبتو ... بس لما وصل لجنت بيتها .... كان زحمة كتير ....سيارات ... وناس ... وطبول ... وزمور ... وفرقة عراضة .... استغرب .... وقرب أكتر ليعرف شو في ..... ولما صار جنب باب البناية .... شاف وحدة متل القمر نازلة ...بالبدلة البيضاء .... كانت هيي ..... البنت اللي حبها ...... وجنبها ....رجال كبير بالسن ..... شافتو وكانت الدمعو بعيونهن اتنيناتهن ...... ماكان منو غير انو راح وبعد وهوي لسا بحالة صعبة ومو عرفان ومو مصدق شو اللي صار ...... لحتى بعد يومين بعتتلو رسالة اعتذار ع كل اللي صار وكانت كاتبي : انا بدي عيش حياتي ... بدي كون متل باقي البنات .... بدي يكون عندي كل شي ...... سيارة وبيت ومال ... وروح وايجي ......
وختمت رسالتها .... بهالجملة : الحب وحده ما بيكفي .... الحب وحده ما بيكفي .....


شو رأيكن ...... معقول كلام البنت صح ..... معقول كان تصرفها صح ......
ياترى الحب وحده مو قادر انو يسعد الانسان ...... شو اللي بيسعد الانسان ... الحب ولا المال ؟؟؟
لو كنتو مكان هالبنت ..... رح تختاروا الحب ولا المال ؟؟؟؟ شو رح يكون موقفكن ؟؟؟


ياريت الكل يحط رأيه ... وأنا أكيد رح قلكن رأيي بس مو هلأ .... لحتى أسمع أرائكن بالأول ......

انا برايي ان هالبنت رح يجي اليوم
اللي تعض اصابيعا ندم
وتتمنى اللي راح يرججع ولو ثواني
يمكن انك تعوض مال ضيعتو
بس ما ممكن تعوض حبيب ودعتو
هذا رايي الشخصي


موضوع ملفت للانتباه
ننتظر منكي المزيد
لكي احترامي وتقديري

[quote="حمادة"]

رغد كتب:

الحب مهــم .. والمال مهم


بس الحب آبدآ ..

لآن حب بدوون مال بيقدر الواحد بيعيش

ومال بدوون حب جحيـــــــــــــــــــــــــــــــــــــــــــــــــــــــــــــــــــــــــــم

بصراحة اخت شمس الموضوع كتيــــــــــــــــــــــــــــــــــــــــــر مميز
وكتير رائع لانه فيه كتير ناس بايامنا بقيسو الحب بالمال مع انه هاد شي وهاد شي تاني
الحب لا يمكن يتعوض لكن المال ممكن جيبو في لحظة وضيعو بلحظة
انا شخصيا ما بختار المال مع اني انسانة كتير طموحة بس ما بحقق امالي وطموحاتي على حساب قلبي


انا بتشكرك على هالموضوع الرائع واتمنى منك المزيد

بالنسبة لسؤال التاني انه انا مع الحب ولا لا
فاكيد هلا صرتي بتعرفي رايي وكيف لو بدي اعرف اذا كان فيه نصيب ولا لا بيناتهن
فانا برايي انه اي اتنين بيختارو بعض لازم يحكمو قلبهم وهقلهم بزات الوقت ما لازم يجرو ورا قلبهم بس ولا ورا عقلهم بس
لحتى ما يصير فيهم متل هاي البنتوكتير شباب متلها


تقبلي مروري وردي شكرا لك


وردة غزة

أهلا وسهلا فيكي وردة غزة .....انت وردة بردك وبوجودك معنا كمان .... أكيد رأيك كتير صح......الحب ما بيعوضو مال الدنيا كلها
وبيقول المتل : يا أخد القرد ع مالو ..بيروح المال وبيبقى القرد ع حالو

يمكن انا برائي انو الحب من دون المال بتكون الحياة تعيسة والمال من دون الحب راح تكون بردو اتعس بس ازا كل واحد صبر اكيييييييييييد راح يلاقي يلي ناقصو

هل من الممكن انو اتكمل باقيت حياته في المال والترف وتكون حياتها الزوجية في تعاسة كل هدا علشان المال ؟

الحب يا اخوان انعم اشي في الدينا الحب لمى اعيش مع جبيبتي اجمل لحظات حياتنا واسعد فيها راح تغنيني عن كل كنوز الدنيا

أكيد لحظة حب مع حبيب بتغني عن كل كنوز الدنيا ......
بس أنا كأني هلأ استنتجت انو الحب والمال ...بكملوا بعض ...... يعني بوجود الحب منقدر نجيب المال ...بس العكس مو صحيح .... والتنين لما بكونوا سوا بيعطوا سعادة ..... بس المال لحالو ما بيعني السعادة ....
شكرا للكل على المرور