"30 جمله 95% من شباب سوريا بيقولوها للبنات "

"30 جمله 95% من شباب سوريا بيقولوهاللبنات "

طبعا مو كل الشباب قلنا 95% ... لذلك بلا زعل يا شباب .......

1- حبيبتى انتى بتعرفي انا ما بحب حركات الشباب الطايشين انا اصلا مابكلم بنات
(وتلاقيه بيعرف نص بنات البلد)

2- يااااه ياحبيبتى انا حاسس انى بعرفك من زمان
( وهوي تلاقيه متلخبط بينها وبين بنت كان يعرفها قبل هيك )

3- حاسس ان فيكى اشياءغريبه غير كل البنات
( كأنها بتمشي على ايديها ولا طلعلها شوارب يعني )

4- انا حاسس ان فى شبه كبير بين افكارى و افكارك نحنا اكيد انخلقنا لبعض
(اكيد هي البنت رقم 100 اللى بيقولها هيك وكأًن كل بنات الدنيا مخلوقين على شانو)

5- حبيبتى انتى اول حب فى حياتى وانا حاسس انى انولدت يوم ماشفتك
(على أساس ان والدته كانت حامل فيه 20 سنه وولدته قبل مايقابلها بيومين )

6- يااه يا حبيبتى انتى تؤمرى وانا بنفذ اللى انتى بدك ياه وبجبلك ياه
( بالاحلام )

7- حبيبتى الطقم اللى انتى لابستيه تحفه بس ما تلبسية مره تانى لانو بتصيري حلوه وانا بغار بغار
( طبعا فاهمين الحركات هي تلاقيه ما عاجبه اساسا)

8- رح اخطبك اول ما كون حالي
(عيش يا كديش)

9- بدي شوفك كل يوم كل ساعة كل دقيقة كل ثانية
( من شان يشوفو رفقاتو وهو معها )

10 - حبيبتى اعرفي على طول انى لما بحب بحب بجد وانا حبيتك بجد من اول ماشوفتك وكنت عم دور عليكى من زمااااااان
(دباجة لابد منها )

11- انا علاقتى فيكي ماحدا بيعرف فيها غيرانتي وانا و رب العالمين لانك صرتي خلص من خصوصياتي
( يعنى يا دوب اللى يعرفو اخواته و اصحابه و جرانه وقاريبه وصحاب صحابه.....الخخخخ)

12- اسف حبيبتي ما بقدر مر عليكي اليوم بالسيارة لانو السيارة بالصناعة
( طبعا لازم شوية فشخرة على المخلوقة وهو ما عندو سيارة بس ما عرف يسرق سيارة ابوه )

13- ياحبيبتى انتي شو عم تحكي انا كل اناني العطر تبعوتي بوصي عليهم من فرنسا
(اي حاجتك خرط عاد )

14- ياه لما بشوف رقمك على الموبايل قلبي بيهبط
(طبعا من الفزع تكون كاشفتو)

15- فلان قلي انو اعطيه رقمك قلتلو اقتلني قبل ماتاخد مني الرقم
( ياااااه على التضحيه وهى ياعينى رقمها مع مخاليق الله كلن)

16- حبيبتى بدي صورتك على شان قبل ما نام كحل عيني فيها وحطها تحت المخدي
( لا وهو الصادق على شان لما يتقاتلو يهددها فيها )

17- اسف يا حبيبتى مبارح ما قدرت كلمك كنت مشغول بالدراسي عندي فحص
( قصدو ما معو رصيد او مشغول مع وحدي تاني)

18- اسف يا حبيبتى ما قدرت اجي على الموعد مبارح عندي ظرف صعب
( معزور الولد اتذكر موعد البنت التاني يل صرلو 3 ايام عم يأجل فيه )

19- عارفه يا حبيبتى انا طول الليل مانمت عم فكر فيكي
(بس على ميين ترد عليه تقوله لكن مين اللى كان نايم و ما برد على التليفون؟ بس كالعاده الرد جاهز............ياااه انتى قصدك الخمس دقايق يلي نمت فيهم ؟انا من كتر التفكير فيكى اجاني غيبوبة )

20- عارفه يا حبيبتى انا اصلا ما بفتح الماسنجر الا لما بتكونى موجوده اصلا النت من غيرك ما بيسوا
)يقصد ما بيفتح البلوك عنها الا اما تكون هي بس يلي اون لين عندو(

21- حبيبتى انا ما بستاهلك
)من كتر مانو -------- (

22- انا بعمل كل هالشي مشانك انتي
( ايوه ما احنا عارفين انو ابوها قلو اذا ما بتتركها بقدم فيك تقرير )

23- انا رح اتركك لانو ما بدي حدا يحكي عليكي ولا نص كلمة
( يارجال وانت هل اتذكرت مالبنت انفضحت والحمد لله بسببك وخلص الى حصل حصل )
24- انا مابدي تزعلي مني
(يارجال وانت لما تتركها رح تعمل عرس وتدبح عجلين يعنى ؟!لا والله بدك تزغرد لولولولىش )

25- انا رح سافر وماني عرفان رح ارجع متى
(طب خدا معاك ولا هي حجج وخلص)

26- أنا ما بقدر اتزوج من وحدي حكت معي على التلفون من ورا اهلها
( يارجال ان شاء الله الله رح يكرمك وترتبط بوحدي مشيت مع نص شباب الغوطة والدبلان والانشاءات كمان )

27- انتى احسن انسانة شفتها بحياتي بس مارح نقدر نكمل سوا
( ترد هي ليش بقى وهي عم تبكي ئهئ ئهئ ئهئ ليه ليه ليه .. يقولها مشان الله انا مابستحمل دموعك ... ومع هيك ما بقلها ليش )

28- انتى اكتر انسانة حبيتها بيحاتي بس كمان ما منقدر نكمل مع بعض
( لا تعليق )

29- حبيبتى انا اكتشفت انو ما في شي بينا مشترك وما منشبة بعض ابدا
(لأ عنجد....صرلو سنتين ماشى معاها وبعدين لسه مكتشف هالشي , الظاهر عليه كان بيكتشف شي دبوس بكومة قش )

30- والله ياحببتى انا ماني فلتان وحقير وبلعب بمشاعر البنات متلما انتي مفكره بس بس هاد نصيبنا
( لا ماهو واضح )

ههههههههههههههههههه
صحيح مواضيعك فيا هجوم كتير عالشباب
بس بصراحة حلوة مشكورة

لاء أبدا مافيها هجوم عالشباب .......... انتو بتخلو العالم تتهجم عليكم شو أعمل
مشكور عالمرور

شكرا اخت شمس هي جمل
مفيدة حتى للبنات لانو اذا ماسمعوها
رح يتعقدو من الحياة
كل الامنيات لك بغد مشرق

هاي المرة رأيي مو من رأيك bouztel
بتوقع انو البنات رح يتعقدوا اذا تموا يسمعوا هيك كلام .......
بصيغة أوضح أنا بنت ...... بفضل أني أسمع كلمة وحدة حلوة من انسان صادق .... أحسن ما أسمع 30 جملة من شب عم يتسلى ومفكر الحب لعبة .......
هاد رأيي شو رأيك ؟؟؟؟؟

مشكورة اخت شمس لمتابعة مواضيعك
بس بصراحة كمان
نحن الشباب بنتمنى نسمع
كلمة صادق من بنت صادقة
بس للاسف في مجتمعنا نوادر
تلاقي بس الحياة بتستمر مع هيك
والتجارب لازم تتكرر
لحتى بالاخير الله يجمع شب صادق مع بنت صادقة وتكون اجمل علاقة شهدها العصر ........
بتمنى ما تفهمي ردي انه نقد لموضوعك
بالعكس موضوعك فرصة للحوار بين الشباب والبنلت
دمتي بتالق
واتمنى منكي المزيد
ولكي كامل الاحترام والتقدير

بلال طفي كتب:: مشكورة اخت شمس لمتابعة مواضيعك
بس بصراحة كمان
نحن الشباب بنتمنى نسمع
كلمة صادق من بنت صادقة
بس للاسف في مجتمعنا نوادر
تلاقي بس الحياة بتستمر مع هيك
والتجارب لازم تتكرر
لحتى بالاخير الله يجمع شب صادق مع بنت صادقة وتكون اجمل علاقة شهدها العصر ........
بتمنى ما تفهمي ردي انه نقد لموضوعك
بالعكس موضوعك فرصة للحوار بين الشباب والبنلت
دمتي بتالق
واتمنى منكي المزيد
ولكي كامل الاحترام والتقدير

مشكور أخ بلال ...... وأبدا ما بتضايق من هالرد ولا بعتبره نقد ......
أنا مابقلك انو مامعك حق .... لاء انت معك حق البنات كمان صايرين هالأيام هيك ....... لكن هادا الشي عم يروح الصالح بالطالح ...... يمكن انتو الشباب ماعندكن مشكلة بانو تحكوا مع بنت وتنتين وتلاته ...... واي قصة رح تكون عندكون كتير عادي .... بس الأنثى بتتم غير واي شي بيصير معها رح يسببلها جرح كبير ..... يعني بوضوح أكتر لو حبت شخص واتعلقت فيه وطلع بعدين كذاب فهون ..... هيي كتير رح تكون حالتها صعبة ....... بينما بعتقد انو الشب مارح تفرق معو ورح يبلش حياتو من جديد .........
ان شاء الله ماكون دايقت حدى بكلامي ....... ومتل ماقلت أخ بلال كلو عبارة عن حوار وياريت ما حدى يتدايق ...... والكل يوضح وجهة نظرو .....

شكرا اخت شمس الله يجزيكي الخير ما قصرتي :-4:

3- حاسس ان فيكى اشياءغريبه غير كل البنات
( كأنها بتمشي على ايديها ولا طلعلها شوارب يعني )

^^^^^^
هههههههههههههـ.., ـآعجبتنــي كثيـر ..

يسلمــوـآ شمــس والى الآمــامـ.,,:)

مشكووووووووورين
اهلا وسهلا نورتو

» مسك الختام: حذائين "مقاس 10 " باتجاه بوش خلال زيارته للعراق
» المفوضية الأوروبية إن "أجهزة MP3 وIPod خطرة على السمع"
» التحرش بسيدة في" صيدنايا" يؤدي الى مشاجرة تخللها إطلاق نار وإصابة الزوج